Listen Now

ဖဲအီစထြ့လယါကီၢ်ပူၤအံၤ တၢ်ပာ်ပနီၣ်ကျိၣ်စ့နံၣ်ကတၢၢ် လၢတနံၣ်အတီၢ်ပူၤန့ၣ်မ့ၢ်ဝဲဖဲ လါယူၤလံတသီအနံၤန့ၣ်လီၤ။ ဖဲန့ၣ်၀ံၤအလီၢ်ခံ တၢ်ဘၣ်မၤပှဲၤတၢ်ဖံးတၢ်မၤဒီးကျိၣ်စ့ဂ့ၢ်ဝီစရီ ဒီး ပာ်ဖျါထီၣ်အီၤဆူခိသွဲဝဲၤဒၢး ဒ်သိးဒီးအမ့ၢ် တၢ်ပာ်ဖျါထီၣ်တၢ်ဟ့ၣ်ခိသွဲစရီဒီး တၢ်ဃ့ထီၣ်ကဒါက့ၤခိသွဲန့ၣ်လီၤ။

လါအီကူးဒ်အမ့ၢ် လါတလါလၢ ကညီဖိသ့ၣ်တဖၣ် သ့ၣ်နီၣ်မၤလၤကပီၤ လါခူးကံၢ်စုမူးအသိး တနံၣ်အံၤ ကညီဖိလၢအဟဲတုၤအိၣ်ဆိးဖဲအီစထြ့လယါကီၢ်ပူၤသ့ၣ်တဖၣ် ရဲၣ်ကျဲၤ မၤလၤကပီၤဝဲဒၣ် လါခူးကံၢ်စုမူး ဖဲလၢတၢ်ဆၢကတီၢ်လၢအဘၣ်လိာ်သးဒီးအဝဲသ့ၣ်န့ၣ်လီၤ။ ဖဲတၢ်ရဲၣ်ကျဲၤတၢ်ကမၤလၤကပီၤ ကညီလါခူးကံၢ်စုမူး အကျါန့ၣ် ကညီဖိလၢအဟဲတုၤအိၣ်ဆိးဖဲ ဘံးထိရံယါကီၢ်စဲၣ်အပူၤသ့ၣ်တဖၣ် ပၣ်ဃုာ်ဝဲဒၣ်န့ၣ်လီၤ။

မ့ၢ်လၢ အီစထြ့လယါကီၢ်လီၢ်ခၢၣ်သးစ့တၢး ဆၢတဲာ်လၢ ဒုးထီၣ်ကဒီးဝဲဒၣ် စ့အ့ၣ်အပှ့ၤ လွံၢ်တဘျီတဘျီ ဖဲတနံၣ်ညါအံၤအတီၢ်ပူၤအဃိ တၢ်အံၤကဒုးအိၣ်ထီၣ်ဝဲဒၣ် တၢ်ဒိဘၣ်မၤဟူး ဒိၣ်ဒိၣ်မုၢ်မုၢ်လၢဟံၣ်ကစၢ်သ့ၣ်တဖၣ်အဂီၢ်န့ၣ်လီၤ။

မ့ၢ်လၢဂံၢ်သဟီၣ်အပှ့ၤသ့ၣ်တဖၣ် ဟဲဒိၣ်ထီၣ်အါထီၣ်ဝဲဒၣ်ဒီး တၢ်ဘၣ်ယိၣ်အိၣ်ထီၣ်လၢ ဂာ်သဝံတအိၣ်လၢပှဲၤလၢတၢ်ကသူအီၤဖဲ၂ဝ၂၃နံၣ်အဂီၢ်ဘၣ်အဃိ ပဒိၣ်ဟ့ၣ်လီၤ တၢ်ဟ့ၣ်ပလီၢ်ဆူ တၢ်ထုးထီၣ်ဂာ်သဝံစဲးဖီကဟၣ်တၢ်မၤဝဲလီၢ်သ့ၣ်တဖၣ်အအိၣ်န့ၣ်လီၤ။

နမ့ၢ်သ့ၣ်ညါ ကျိၤကျဲအိၣ်လၢ တၢ်မၤကိၢ်ထီၣ်နဟံၣ်အဂီၢ်န့ၣ် နဃုထၢ တၢ်မၤကိၢ်ထီၣ်ဟံၣ်အကျိၤအကျဲလၢအဘၣ်လိာ်သးဒီးနဟံၣ်အဂီၢ်န့ၣ် မ့ၢ်တၢ်ညီညီဖိန့ၣ်လီၤ။

ဒ်သိးပကအိၣ်ဆိးလၢအပှဲၤဒီးတၢ်အိၣ်ဆူၣ်အိၣ်ချ့ ဒီး ပဒီသဒၢဝဲဒၣ်တၢ်ဆါယံၤထၢ (တၢ်ဆါထီရီၤ) သ့ၣ်တဖၣ်ကန့ၢ်အဂီၢ် ပကဘၣ်မၤအီၤဒ်လဲၣ်။

ဖဲလၢဟီၣ်ခိၣ်ဒီဘ့ၣ်ဆူၣ်ချ့ကရၢ နုာ်လီၤကွၢ်ဃိထံသ့ၣ်ညါတၢ်အိၣ်သးဝံၤအလီၢ်ခံ တၤအုးလၢၢ်တၢ်ဆါ (မါကံဖီၣ်) အံၤ အခဲအံၤန့ၣ် တၢ်ပာ်ပနီၣ်လံဝဲဒၣ်အီၤဒ်အမ့ၢ် ဟီၣ်ခိၣ်ဒီဖျၢၣ် ဆူၣ်ချ့ဂ့ၢ်ဝီတၢ်အိၣ်သးတခါန့ၣ်လီၤ။

ပှၤဂဲၤလိာ်လၢပှၤဟီၣ်ခိၣ်ဖိခွဲးယာ်ဂ့ၢ်ဝီကရူၢ်သ့ၣ်တဖၣ် ပဲၤအၢဝဲဒၣ် ကီၢ်ပယီၤသုး လၢအမၤသံဝဲဒၣ် ထံရူၢ်ကီၢ်သဲးပှၤဃိးဖိ ၄ဂၤ လၢအပၣ်ဃုာ်ဒီး အူဖၠိစ့ၣ်ယၣ်သီၣ် လၢအမ့ၢ် အဲန်အဲလ်ဒံၣ်ပၣ်တံၣ် သဲးစးကရၢဖိလီၢ်လံၤန့ၣ်လီၤ။

သရၣ်နံၤဒိၣ် မ့ၢ်ပှၤဘၣ်ကီဘၣ်ခဲဂ့ၢ်ဝီတၢ်တိာ်ကျဲၤအပှၤမၤတၢ်ဖိ လၢအမၤသကိးတၢ်ဖဲ ဘဲၢ်ဒံၢ်ကိၢ်ပှၤတဝၢဆူၣ်ချ့ဝဲၤကျိၤတဂၤ အပူၤကွံာ်တယံၤဒ်ဘၣ်န့ၣ် လဲၤထီၣ်ဝဲဒၣ်ကလုာ်ဒူၣ်စၢဖှိၣ်ကရၢပှၤတဝၢ အီစထြ့လယါကီၢ် တၢ်အိၣ်ဖှိၣ်ဖးဒိၣ် ဒ်အမ့ၢ်ကညီဖိခၢၣ်စးတဂၤအသိးန့ၣ်လီၤ။

တၢ်ကွဲးပာ်တၢ်သံအတၢ်န့ၢ်သါန့ၣ်မ့ၢ်ဝဲဒၣ် တၢ်ကွဲးနီၣ်ကွဲးဃါလၢ အနဲၣ်လီၤပာ်တၢ်ဖံးတၢ်မၤတဆီဘၣ်တဆီ လၢနမ့ၢ်သံဝံၤအလီၢ်ခံန့ၣ် နဟံၣ်ဃီတၢ်စုလီၢ်ခီၣ်ခိၣ်သ့ၣ်တဖၣ်န့ၣ် နအဲၣ်ဒိးဟ့ၣ်လီၤမတဂၤလဲၣ်။ နအဲၣ်ဒိးလၢတၢ်အံးထွဲကွၢ်ထွဲနဖိသ့ၣ်တဖၣ်ဒ်လဲၣ်။ ဒီးဖဲနသံဝံၤလီၢ်အခံန့ၣ် နအဲၣ်ဒိးလၢ မတဂၤ ကကဲပှၤလၢ အဟ့ၣ်လီၤ နတၢ်ကွဲးနီၣ်ကွဲးဃါ တၢ်ဟ့ၣ်လီၤတၢ်ဟ့ၣ်သါသ့ၣ်တဖၣ်အံၤလဲၣ်န့ၣ်လီၤ။

နီၣ်ဝါအိလဲးခၠိၣ်မ့ၢ်ကညီသးစၢ်မုၣ်တဂၤလၢအအိၣ်ဖျဲၣ်ထီၣ်န့ၢ်ဖဲ ကီၢ်ပယီၤအပူၤဘၣ်ဆၣ် ခီဖျိလၢထံလီၢ်ကီၢ်ပူၤ တၢ်ဒုးအတၢ်ယာ်အဃိ ဖဲအဝဲအိၣ်လွံၢ်နံၣ်အခါ အဟံၣ်ဖိဃီဖိဘၣ်ဃ့ၢ်နုာ်အိၣ်ဆိးဖဲ ကီၢ်ပယီၤ—ကီၢ်ကၠီၣ်တဲၣ် ပှၤဘၣ်ကီဘၣ်ခဲဒဲကဝီၤအပူၤ တုၤလၢအဝဲဒိၣ်ထီၣ်ဒီး တုၤလၢအဝဲဖၠိထီၣ် တီၤထီကၠိတစုန့ၣ်လီၤ။

မ့ၢ်တုၤလီၤဖဲဆူမဲာ်ညါအနံၣ်တဆံန့ၣ် ဖိသၣ်ဖဲနယူဆီၣ်သ်ဝံဒီး ဝံးထိရံယါကီၢ်စဲၣ်အပူၤခဲလၢာ် ကန့ၢ်မၤလိကလီဘၣ်တၢ်တနံၣ် တချုးဖဲအဝဲသ့ၣ်စးထီၣ်နုာ်လီၤတီၤကၠိဒ်ဘၣ်အခါန့ၣ်လီၤ။ တၢ်အံၤမ့ၢ်တၢ်လဲၤထီၣ်လဲၤထီၣ်လၢတၢ်ပာ်ဖျါအီၤဒ်အမ့ၢ် ကျိၤကျဲအသီတခါန့ၣ်လီၤ။

တနွံအံၤဒ်အမ့ၢ်ပှၤဘၣ်ကီဘၣ်ခဲအနွံအသိး အဲးစ်ဘံအဲးစ်ကညီကျိာ် တၢ်ရဲၣ်တၢ်ကျဲၤ ဆဲးကျိးသံကွၢ်ဝဲဒၣ် ကညီဘၣ်ကီဘၣ်ခဲလီၢ်လံၤ လၢအမ့ၢ်ပှၤတဝၢပှၤဖီၣ်ကသံၣ် (ဖါမ့ၣ်စ့ၣ်) သရၣ် န့ၢ်(ထ်)လီၤဆဲး လၢအဘၣ်တၢ်သ့ၣ်ညါစ့ၢ်ကီးအီၤလၢ သရၣ်န့ၢ်ဝါ ဘၣ်ဃး အဝဲတၢ်လဲၤခီဖျိ ဒ်သိးကကဲထီၣ်ဘၣ်ကသံၣ်သရၣ်တဂၤအသိးန့ၣ်လီၤ။ အဝဲမၤတၢ်မၤဖဲကသံၣ်ကျးတဖျၢၣ်လၢအအိၣ်ဖဲဆ့ၣ်ဒနံၤဝ့ၢ်န့ၣ်လီၤ။

ကိးနံၣ်ဒဲး ပှၤကညီလၢအကကွဲၢ်အါမး ဘၣ်ဃ့ၢ်ထီၣ်ဟးထီၣ်ကွံာ်လၢအဝဲသ့ၣ်အဟံၣ်အဃီ ဒီးဃုတၢ်အိၣ်ကဒုလၢအဝဲသ့ၣ်တၢ်ပူၤဖျဲးအဂီၢ်န့ၣ်လီၤ။

ဆူမဲာ်ညါခံနွံဘျဲၣ်န့ၣ် ပှၤမၤတၢ်ဖိ ၂ ့ ၇ကကွဲၢ်လၢထံကီၢ်ဒီဘ့ၣ်အပူၤ ကထံၣ်ဘၣ်ဝဲဒၣ် တၢ်ဟ့ၣ်အါထီၣ်အဝဲသ့ၣ်တၢ်ဖံးတၢ်မၤအဘူးအလဲန့ၣ်လီၤ။

တနံၤအံၤ လါယူၤ ၁၅သီ ဒ်အမ့ၢ် တၢ်ပာ်ပနီၣ် တၢ်သ့ၣ်နီၣ်ထီၣ် တၢ်မၤဆါပယွဲ ပှၤသူၣ်က့သးပှၢ်မုၢ်နံၤအဆၢကတီၢ်အံၤ တၢ်ပာ်ဖျါသ့ၣ်တဖၣ် စံးဝဲဒၣ်လၢ ဖဲအီစထြ့လယါကီၢ်ပူၤအံၤ တၢ်မၤဆါပယွဲပှၤသူၣ်က့သးပှၢ်သ့ၣ်တဖၣ် ဟဲအါထီၣ်ဝဲဒၣ်ကွ့ၢ်ကွ့ၢ် နာ်သက့ တၢ်မၤစၢၤအကျိၤအကျဲသ့ၣ်တဖၣ်အိၣ်ဝဲဒၣ် လီၤဆီဒၣ်တၢ်လၢပှၤသုးလီၢ်အိၣ်ဆိးအပှၤတဝၢသ့ၣ်တဖၣ်အဂီၢ်န့ၣ်လီၤ။

ခဲစၢၣ်တၢ်ဆါ တၢ်ဃုသ့ၣ်ညါအသီတခါအပူၤ ထံၣ်ဘၣ်ဝဲဒၣ်လၢ တၢ်မ့ၢ်တဃုထံၣ်ဆိဒီး ကူစါယါဘျါဆိအီၤဘၣ်န့ၣ် ဆူမဲာ်ညါ ၂၅နံၣ်န့ၣ် ပှၤအီစထြ့လယါအါန့ၢ်တကကွဲၢ်ကသံလၢ ခဲစၢၣ်တၢ်ဆါန့ၣ်လီၤ။

နီၣ်မူစ့ဖီမ့ၢ်ကညီသးစၢ်မုၣ်တဂၤ လၢဂုာ်ကျဲးစၢး မၤကဲထီၣ်လိၣ်ထီၣ်အတၢ်မံမီၢ် တၢ်ကညိၣ်ကွၢ်ဆိ ဒ်သိးကကဲထီၣ်ဘၣ် ကသံၣ်သရၣ်မုၣ်ဖးဒိၣ်တဂၤန့ၣ်လီၤ။

ပှၤအီစထြ့လယါဖိသ့ၣ်တဖၣ် မ့ၢ်တူၢ်ဘၣ်ဝဲဒၣ် တၢ်ဆီၣ်သနံး လၢအဘၣ်ဃးဒီး ဟံၣ်ဃီတၢ်အိၣ်တၢ်ဆိး အဘူးအလဲ အလုၢ်အပှ့ၤဒိၣ်လံ ဘၣ်ဆၣ်သနာ်က့ ခဲကနံၣ်အံၤ တၢ်ဆိကမိၣ်ပာ်လၢ အဝဲသ့ၣ်ကဘၣ်ဟ့ၣ် ဂံၢ်သဟီၣ် မ့ၣ်အူပှ့ၤ ဂာ်သဝံပှ့ၤ သ့ၣ်တဖၣ် ကဟဲအါထီၣ်န့ၣ်လီၤ။

တၢ်ဃုသ့ၣ်ညါမၤလိ အီစထြ့ယါကီၢ် ပှၤထူလံၤဖိ အဘီရကၠံၤနၢၤဒီး ထီရ့ၣ်စထြ့ၣ်အါလဲဒၢၣ် သ့ၣ်တဖၣ် လုၢ်လၢ်ထူသနူ လၢတၢ်ကဘၣ်လူၤပိာ်ထွဲမၤပိာ်ထွဲအီၤန့ၣ် မ့ၢ်ခီၣ်ခါအပတီၢ်အရ့ဒိၣ်တခါလၢ ကနၢ်ပၢၢ်ဒီး ယူၤယီၣ်ပာ်ကဲဝဲဒၣ် ဟီၣ်ခိၣ်လီၢ်လၢပအိၣ်အီၤခဲကနံၣ်အံၤ အကစၢ် ပှၤထူလံၤဖိသ့ၣ်တဖၣ်န့ၣ်လီၤ။