Listen Now

في حلقتنا النهاردة هنتعرض لموضوع الوحدة، و هنتعرض لحلقة مميزة في "بوست ‏ريبورتز" مع الدكتور فيفيك مورثي، الجراح العام الحادي والعشرين للولايات ‏المتحدة، الذي بيشارك تجاربه الشخصية و آراؤه. ‏ رابط حلقة البوست ريبورتز https://podcasts.apple.com/us/podcast/lonely-youre-not-alone/id1444873564?i=1000615448015 https://podcasts.google.com/feed/aHR0cHM6Ly9wb2RjYXN0LnBvc3R0di5jb20vaXR1bmVzL3Bvc3QtcmVwb3J0cy54bWw/episode/NjQ3YTAxMTY0NmUwZmIwMDA4MTNjMmIz?sa=X&ved=0CAQQkfYCahcKEwigmdKLyrH_AhUAAAAAHQAAAAAQBg

في ترشيحات شهر يونيو، هأقترح مقالة للدكتور خالد فهمي عن كوزموبوليتانية الإسكندرية، و هأتكلم شوية عن كتابات د. خالد (بمنتهى الحب و قليل من النقد)، و طبعا هنخوض في موضوع على التحسر على فقدان مدينة الاسكندرية في المخيلة الغربية و هنحاول نفهمها: اذا كانت مجرد نظرة استعلائية فعلا و لا انعكاس لحالة فقد و نوستالجيا لعالم و ماضي شخصي المثقفين الغربين بيحنوا ليه؛ و هل احنا كمصريين و عرب بنعاني بشىء مثيل؟و في النص التاني من الحلقة هنتكلم عن ترشيحات من الثقافة و الميديا اليابانية زي الانيمي و غيرها روابط الترشيحات اللي هنتكلم عنها في الحلقة مقالة د. خالد فهميhttps://khaledfahmy.org/ar/2016/12/10/%d8%b1%d9%88%d8%ad-%d8%a7%d9%84%d8%a5%d8%b3%d9%83%d9%86%d8%af%d8%b1%d9%8a%d8%a9-%d9%88%d8%b1%d9%88%d8%a7%d8%a6%d8%ad%d9%87%d8%a7/ مسلسل Summer Time Renderinghttps://www.imdb.com/title/tt15686254/ مسلسل Sancturayhttps://www.imdb.com/title/tt16970638/ حساب المؤرخ خالد فهمي على موقع فيسبوكhttps://www.facebook.com/khaled.fahmy3 حساب المفكر و الفنان عبده البرماوي على موقع فيسبوكhttps://www.facebook.com/Ywamreb حساب الصحفي و الناقد الثقافي سيد محمود على موقع فيسبوكhttps://www.facebook.com/sayed.mahmoud.908 حساب الاذاعي و المحاور حسام السكري على موقع فيسبوكhttps://www.facebook.com/hosam.sokkari

في حلقتنا النهارده هنشهد النهاية الدرامية للجمهورية الرومانية و هنقابل بعض أهم الرومان في المرحلة العصيبة دي زي شيشرون و بومبي العظيم و يوليوس قيصر و اوكاتفيوس (اوغسطوس)

في حلقتنا النهاردة هنشوف بداية النهاية للجمهورية الرومانية، بقيمها العتيدة و مؤسستها السياسية الصلبة و جيشها المخيف. هنشوف انتصارات الجمهورية أدت لفساد مهول، أدى لمحاولات اصلاحية عنيفة، هتاخد روما بعد كده لسلسلة من العنف و الفوضى وصولا للحرب الأهلية

في حلقتنا النهارده، هنشوف ازاي روما بعد ما خلصت على قرطاج، اتجهت شرقا عشان تقضى على الممالك اليونانية، واحدة ورا التانية، و هنشوف ازاي تطورت العلاقة ما بين الحضارة و الثقافية اليونانية التنويرية المتحررة مع الرومانية العسكرية المتزمتة: علاقة هتبدأ باحترام و تبجيل للحضارة اليونانية و اليونانيين، لكن مع احتلال ارضهم، العلاقة هتتطور اكتر من كده بكتير.. بحلوها و مرها

اواخر الشهر الماضي استطاعت الهند أن تزيح الصين عن صدارة العالم من حيث التعداد السكاني، ما يثير تساؤلات حول إمكانية تفوق الهند على الصين اقتصاديًا وصناعيًا في العقود القادمة.

هل هي شبكات لجعل أجهزتنا اكثر ذكاء، ام لجعلنا نحن تحت مراقبة شركات التكنولوجيا العملاقة؟

يلا بينا نستكشف الفترة المهمة و الحاسمة دي في عمر الدولة الرومانية: الحروب الفينيفية (البونية)، اللي هتخرج منها روما في شكلها الاسطوري اللي هيتحاكى بيه التاريخ لآلاف السنين بعد كده. في حلقتنا الشيقة النهارده، هنتعرف سريعا على قرطاج و حضارتها القائمة على التجارة البحرية، و الأهم هنقابل حنبعل (هانيبال)، احد اهم القادة العسكريين في التاريخ.

بايدن يتحدى المتشككين و يعلن ترشحه لـ2024: ما وراء الكواليس و أسباب ثقة قادة الحزب الديموقراطي في امكانية فوز بايدن، و بسهولة

في الحلقة التالتة من سلسلة الدولة الرومانية، هنتعرف على قيام الجمهورية، و دي تعتبر الفترة الذهبية في عمر الدولة الرومانية الطويل؛ و السبب في التسمية دي راجع للتطور الضخم اللي صاحب ظهور الجمهورية، سواء من الناحية التشريعية او الاجتماعية او العسكرية. في حلقتنا النهارده هنشوف التغيرات الكبيرة اللي صاحبت "الديموقراطية الرومانية" و القيم اللي كان بيعتنقها الرومان و رؤيتهم لنفسهم في المرحلة المهمة دي من تاريخهم

في حلقتنا النهاردة، هنعدي سريعا على المرحلة الملكية المبكرة في تاريخ الدولة الرومانية (و دي قبل المرحلة الجمهورية، و تختلف عن المرحلة الإمبراطورية)، و دي كانت من ساعة إنشاء روما في 753 قبل الميلاد على يد رومولوس لحد 509 قبل الميلاد، و شهدت تحول روما من مجرد قرية صغيرة، لدولة صغيرة و ان كانت قوية بمعاير الزمن السحيق ده في المنطقة دي من شبه الجزيرة الإيطالية. يلا بينا نتعرف على الملكية الرومانية القديمة و ارهاصات إنشاء الجمهورية

في حلقتنا الأولى من تاريخ الدولة الرومانية، بنبدأ بالأسطورة المؤسسة لمدينة روما، و اللي الرومان القدماء كانوا بيعتقدوا فيها.. حكاية مثيرة عن توأمين من نسل الآلهة ربتهم ذئبة، هيكبروا و يتحاربوا عشان اختلاف تفسيرهم لرضا الآلهة عن مكان إنشاء مدينتهم الجديدة.. روما، او كما يطلق عليها "المدينة الخالدة.". يلا بينا.. ناخد جولة سريعة في الميثولوجيا المؤسسة لروما عشان نفهم الرومان كانوا شايفين نفسهم ازاي

في حلقتنا النهارده، هنستكشف حياة وإرث كليمنس فون مترنيش، السياسي و ‏الدبلوماسي النمساوي الماكر اللي شكل سياسة أوروبا لفترة طويلة بعد الحروب ‏النابليونية. هنشوف إنجازاته وإخفاقاته، آرائه وسياساته، حيله وتكتيكاته، وتأثيره ‏على التاريخ. هل كان رجل دولة حكيم يستحق الاشادة بتراثه السياسي أم طاغية مش لازم ‏نجيب سيرته اصلا؟ ‏  يلا بينا..‏

تدعي الحكومة الأوكرانية أن روسيا اختطفت اكثر من 16 ألف طفل خلال عام من غزو القوات الروسية لأراضيها.. تعترف روسيا بالفعل بأخذ اعداد كبيرة من ايتام اوكرانيا، و بل وقامت بتجنيسهم ايضا.. ترى ما هو السبب الحقيقي وراء هذه الخطوة؟  بالاضافة لفقرة قصيرة في أخر الحلقة أقدم فيها بعض الترشيحات للاستماع و المشاهدة لشهر مارس

هل حرية الاعلام مطلقة؟

بعيدا عن فداحة تأثير الغزو الروسي لأوكرانيا، دخلت الشعوب و الحكومات الغربية في حالة من الرهاب من كل ما له علاقة بروسيا؛ خوف و تربص بكل ما هو روسي، بداية من الأفراد وصولا للفنون و الأداب الروسية

بعد حادث المنطاد المثير، دخلت العلاقات الأمريكية الصينية في مرحلة جديدة من التوتر، و اللي زود الطين بلة كان فضح بلينكن وزير الخارجية الأمريكي عن نية الصين انها تمد روسيا بالاسلحة و تحذيره ليها من الخطوة دي..   ده غير الرحلة المثيرة لبايدن لقلب كييف و خطابه الناري في وارسو و خطاب بوتين الموازي في موسكو في ذكري بداية "العملية العسكرية الخاصة" و بعد كده استقباله للدبلوماسي الصيني الأهم، وانج يي  يلا بينا نستكشف احداث الاسبوع العالمية المثيرة

عرض مسبط لموضوع دمج الذكاء الإصطناعي في محركات البحث و الحرب المرتقبة بين مايكروسوفت و جوجل، مع تناول سريع لتجربتي المثيرة مع محرك بينج الحديث ChatGPT Bing AI

الموضوع باين من عنوانه.. يلا بينا

بإستخدام التكنولوجيا الحديثة، تسعى شركات كبرى لجلب صالات القمار إلى كل منزل عبر كل جهاز ذكي متاح.. و البداية ستكون عبر المراهنات الرياضية